Breaking News

అమెరికాలో గ్రీన్‌ కార్డ్‌ ఇంటర్వ్యూ కోసం వెళ్లిన భారత సంతతికి చెందిన 60 ఏళ్ల మహిళ అరెస్ట్

అమెరికాలో గ్రీన్‌ కార్డ్‌ ఇంటర్వ్యూ కోసం వెళ్లిన భారత సంతతికి చెందిన 60 ఏళ్ల మహిళను ఇమ్మిగ్రేషన్‌ అధికారులు అదుపులోకి తీసుకున్నారు. 


Published on: 16 Dec 2025 15:48  IST

అమెరికాలో గ్రీన్‌ కార్డ్‌ ఇంటర్వ్యూ కోసం వెళ్లిన భారత సంతతికి చెందిన 60 ఏళ్ల మహిళను ఇమ్మిగ్రేషన్‌ అధికారులు అదుపులోకి తీసుకున్నారు. బాబ్లెజిత్ కౌర్ (Babblejit Kaur) అలియాస్ బబ్లీ అనే 60 ఏళ్ల మహిళ 1994 నుండి, అంటే దాదాపు 30 ఏళ్లుగా అమెరికాలో చట్టబద్ధంగా నివసిస్తున్నారు.డిసెంబర్ 1న తన పెండింగ్‌లో ఉన్న గ్రీన్ కార్డ్ దరఖాస్తుకు సంబంధించిన బయోమెట్రిక్ స్కాన్ అపాయింట్‌మెంట్ కోసం ఆమె USCIS కార్యాలయానికి వెళ్లారు. ఆ సమయంలోనే ఇమ్మిగ్రేషన్ అండ్ కస్టమ్స్ ఎన్‌ఫోర్స్‌మెంట్ (ICE) అధికారులు ఆమెను కస్టడీలోకి తీసుకున్నారు.

ఆమె కుమార్తె తెలిపిన వివరాల ప్రకారం, కౌర్‌కు ఇప్పటికే అమెరికా పౌరసత్వం కలిగిన కుమార్తె నుండి ఆమోదించబడిన గ్రీన్ కార్డ్ పిటిషన్ ఉంది. అయినప్పటికీ, ఎటువంటి నేర చరిత్ర లేని తన తల్లిని అధికారులు అదుపులోకి తీసుకున్నారని, అరెస్టు సమయంలో ఆమె న్యాయవాదితో మాట్లాడినా ఫలితం లేకపోయిందని ఆరోపించారు.

అరెస్టు తర్వాత కొన్ని గంటల పాటు ఆమెను ఎక్కడికి తీసుకెళ్లారో కుటుంబ సభ్యులకు తెలియలేదు. తర్వాత ఆమెను కాలిఫోర్నియాలోని అడెలాంటో నిర్బంధ కేంద్రానికి (detention center) తరలించినట్లు తెలుసుకున్నారు.ఈ సంఘటనపై లాంగ్ బీచ్‌కు చెందిన డెమోక్రటిక్ కాంగ్రెస్ సభ్యుడు రాబర్ట్ గార్సియా స్పందించి, బాబ్లెజిత్ కౌర్‌ను విడుదల చేయాలని డిమాండ్ చేశారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement