ప్రముఖ బాలీవుడ్ నటి కృతి సనన్ నూతన రక్షాబంధన్ జ్యువెలరీ యాడ్‌పై వచ్చిన విమర్శలపై గట్టిగా బదులిచ్చారు.

Published on: 25 Aug 2026 20:16 IST

ప్రముఖ బాలీవుడ్ నటి కృతి సనన్ నూతన రక్షాబంధన్ జ్యువెలరీ యాడ్‌పై వచ్చిన విమర్శలపై ఆగస్టు 25, 2026న గట్టిగా బదులిచ్చారు. GIVA జ్యువెలరీ బ్రాండ్ కోసం ఆమె చేసిన ఈ ప్రకటన సోషల్ మీడియాలో తీవ్ర చర్చకు, ట్రోలింగ్‌కు దారితీసింది. ముఖ్యంగా ఆమె ధరించిన ఇండో-వెస్ట్రన్ దుస్తులు, పెంపుడు కుక్కకు రాఖీ కట్టడం వంటి అంశాలపై నెటిజన్లతో పాటు నటి కంగనా రనౌత్ కూడా అభ్యంతరం వ్యక్తం చేశారు.
విమర్శలకు కృతి సనన్ ఇచ్చిన సమాధానం:
"అసలు మహిళలు ఏం ధరించాలో చెప్పడం మనం ఎప్పుడు ఆపుతాం? సంవత్సరాలుగా ఫ్యాషన్‌లో ఎన్నో మార్పులు వచ్చాయి.సంస్కృతి, సంప్రదాయాలు ఆమె హృదయంలో ఉంటాయి.ఆమె ధరించే దుస్తుల నెక్ లైన్‌లో కాదు" అంటూ స్పష్టం చేశారు.
రక్షాబంధన్ అంటే రక్షణకు సంబంధించిన పవిత్రమైన బంధం. నా సోదరి, నేను ఒకరికొకరు రాఖీ కట్టుకుంటాం. ఒక సోదరుడి కంటే తక్కువ కాకుండా మేము ఒకరినొకరు కాపాడుకుంటాం."
కుక్కకు రాఖీ కట్టడంపై: "మా పెంపుడు కుక్కలు కూడా మా కుటుంబంలో భాగమే. కాబట్టి మా ప్రార్థనలు, వాగ్దానాలు వాటికి కూడా వర్తిస్తాయి" అని కృతి తన నిర్ణయాన్ని సమర్థించుకున్నారు.
కృతి సనన్ ఈ రక్షాబంధన్ ప్రకటనలో మోడ్రన్ ఇండో-వెస్ట్రన్ లుక్‌లో కనిపించారు. సాంప్రదాయ పండుగకు ఇలాంటి గ్లామరస్ దుస్తులు వేసుకోవడం ఏంటని, అలాగే పెంపుడు కుక్కకు రాఖీ కట్టడం సంప్రదాయాలను కించపరచడమేనని కొందరు నెటిజన్లు విమర్శించారు. మరోవైపు, కాలంతో పాటు ఆలోచనలు మారాలని, పెంపుడు జంతువులను కుటుంబ సభ్యులుగా చూడటంలో తప్పేమీ లేదంటూ కృతి సనన్‌కు సోషల్ మీడియాలో పెద్ద ఎత్తున మద్దతు లభిస్తోంది.

ప్రముఖ బాలీవుడ్ నటి కృతి సనన్ నూతన రక్షాబంధన్ జ్యువెలరీ యాడ్‌పై వచ్చిన విమర్శలపై గట్టిగా బదులిచ్చారు.

ఇవీ చదవండి

హాలీవుడ్ ప్రముఖ నటి హేడెన్ పనెటియర్ తన 36 ఏళ్ల వయసులో అకస్మాత్తుగా అనుమానాస్పద స్థితిలో మరణించారు

శర్వానంద్ - శ్రీను వైట్ల సినిమా షురూ..

Advertisement